Ընտրությունները ևս մեկ անգամ ցույց տվեցին Հայաստանի ժողովրդավարության ամրությունը․ Ուրսուլա ֆոն դեր Լայեն
2 րոպեի ընթերցում
Հայաստանի Հանրապետությունում կայացած ընտրությունները ևս մեկ անգամ ցույց տվեցին Հայաստանի ժողովրդավարության ամրությունը։ Թավշյա հեղափոխության ոգին, որն առաջնորդեց Նիկոլ Փաշինյանը 2018 թվականին, կենսունակ է և բարգավաճում է։
«Արմենպրես»-ի հաղորդմամբ՝ այդ մասին ՀՀ վարչապետ Նիկոլ Փաշինյանի հետ համատեղ ասուլիսում հայտարարեց Եվրոպական հանձնաժողովի նախագահ Ուրսուլա ֆոն դեր Լայենը։
«Հայաստանը շարունակում է ընթանալ ժողովրդավարության, բարեփոխումների, խաղաղության ու ԵՄ-ի հետ ավելի սերտ համագործակցության ուղիով։ Հունիսի 7-ին Հայաստանի ժողովուրդը հստակ արտահայտեց իր նախապատվությունը՝ ընտրելով ժողովրդավարությունը, օրենքի գերիշխանությունը, բարեփոխումներն ու խաղաղությունը, նախընտրելով բաց, ներառական գործընկերությունը ԵՄ-ի հետ։ Մենք այժմ այդ նկրտումները պետք է վերափոխենք իրական արդյունքների։ Դուք կարող եք այդ հարցում ապավինել մեր աջակցությանը»,- ասաց Եվրոպական հանձնաժողովի նախագահը։
Հայաստանում հունիսի 7-ին անցկացված խորհրդարանական ընտրությունների արդյունքներով՝ Ազգային ժողովում ներկայացված կլինեն քաղաքական երեք ուժեր՝ իշխող «Քաղաքացիական պայմանագիր» կուսակցությունը կունենա 64 մանդատ, «Ուժեղ Հայաստան»-ը՝ 29, «Հայաստան» դաշինքը՝ 12։