Լիբանանում իսրայելական հարձակումներից զոհերի թիվը հասել է 4211-ի

2 րոպեի ընթերցում

Լիբանանի առողջապահության նախարարությունը հայտարարել է, որ երկրում իսրայելական ագրեսիայի հետևանքով զոհերի թիվը հասել է 4211-ի։ «Արմենպրես»-ի փոխանցմամբ՝ այս մասին հաղորդում է Լիբանանի Ազգային  լրատվական գործակալությունը (NNA):

«Ռազմական էսկալացիայի սկսվելուց ի վեր՝ մարտի 2-ից մինչև հունիսի 24-ն ընկած ժամանակահատվածում, զոհերի ընդհանուր թիվը հասել է 4192-ի, իսկ վիրավորներինը՝ 12 173-ի», - նշված է նախարարության հաղորդագրության մեջ։

Վերջին 24 ժամվա ընթացքում զոհերի թիվն ավելացել է 19-ով, իսկ  վիրավորներինը՝ 2-ով։

Գործակալությունը տեղեկացնում է, որ իսրայելական անօդաչու սարքեր են թռչում Բեյրութի և նրա արվարձանների վրայով։

«Հեզբոլլահ»-ը հայտարարել է, որ իսրայելական բանակը դիտավորյալ Լիբանանի հարավում գտնվող Քֆար Ռումման բնակավայրում քաղաքացիների է թիրախավորել՝ պատրվակով, թե նրանք սպառնալիք են ներկայացնում իրենց համար: Հարձակման հետևանքով երկու զոհ է գրանցվել։

«Հեզբոլլահ»-ը հայտարարել է նաև, որ իսրայելական գործողությունները հրադադարի ակնհայտ խախտումներ են։

Իսրայելն էլ հայտարարել է, որ ոչնչացրել է իր զինվորականների համար առկա սպառնալիքները։

Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ էր սկսել Իսրայելի դեմ։

Հունիսի 18-ի գիշերը ԱՄՆ-ի և Իրանի նախագահները ստորագրել են փոխըմբռնման հուշագիր, որով նախատեսվում է ռազմական գործողությունների անհապաղ և մշտական դադարեցում բոլոր ճակատներում, այդ թվում՝ Լիբանանում, սակայն Իսրայելի և «Հեզբոլլահ»-ի միջև բախումները շարունակվում են։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն