1 րոպեի ընթերցում
Գեղարքունիքի մարզի Գավառ համայնքի Նորատուս գյուղում 2018-2025 թվականների ընթացքում սուբվենցիոն և պետական ծրագրերով իրականացվել է սոցիալ-տնտեսական և կենսական նշանակության 14 ծրագիր, որոնց ուղղությամբ կատարված ներդրումների ընդհանուր գումարը կազմել է 742 միլիոն 355 հազար դրամ։
Ինչպես «Արմենպրես»-ը տեղեկանում է Գավառի համայնքապետարանից, իրականացված ծրագրերից 11-ը սուբվենցիոն են՝ 345 միլիոն 755 հազար դրամ արժեքով, և 2-ը պետական՝ 396 միլիոն 600 հազար դրամ արժեքով։
Իրականացված ծրագրերի արդյունքում 2018-2025 թվականների ընթացքում Նորատուսում կառուցվել է 10700 մետր լուսավորության ցանց, 2 մանկական խաղահրապարակ, Գավառի պատմության ու բնության հուշարձանների պատկերով գովազդային վահանակներ կրող կանգառ, համայնքապետարանի վարչական շենք, ոռոգման և ջրահեռացման համակարգ, հիմնանորոգվել է 3078 մետր ներհամայնքային նշանակության ճանապարհ։
Պետական ծրագրի շրջանակներում՝ 360 միլիոն դրամ արժեքով, 2025-2026 թվականների ընթացքում վերանորոգվել և արդիականացվել է Նորատուսի թիվ 1 միջնակարգ դպրոցը, 36 միլիոն 600 հազար դրամ արժեքով էլ կենտրոնացված ջեռուցման համակարգ է կառուցվել Նորատուսի թիվ 2 միջնակարգ դպրոցում։