1 րոպեի ընթերցում
Ռուսաստանից Հայաստան՝ Ադրբեջանի տարածքով, ուղարկվել է ցորենի հերթական խմբաքանակը՝ 490 տոննա քաշով։ «Արմենպրես»-ի հաղորդմամբ՝ այս մասին հայտնում են ադրբեջանական լրատվամիջոցները։
Նշվում է, որ բեռը Հայաստան է ուղարկվել երկաթուղով։ Խոսքը ցորենով բեռնված 7 վագոնի մասին է։
Ավելի վաղ այս երթուղով Ռուսաստանից Հայաստան է տեղափոխվել ավելի քան 29 հազար տոննա հացահատիկ։
Այդ ուղով տեղափոխվել են նաև պարարտանյութեր, ածուխ, ալյումին և այլ բեռներ։