Հայտնի են Հայաստանի ֆուտզալի ընտրանու մրցակիցների աշխարհի առաջնության ընտրական փուլում

Հայտնի են Հայաստանի ֆուտզալի հավաքականի մրցակիցներն աշխարհի 2028 թվականի  առաջնության որակավորման հիմնական փուլում։

«Արմենպրես»-ի հաղորդմամբ` այս մասին հայտնում է Հայաստանի ֆուտբոլի ֆեդերացիան:

Հայաստանի հավաքականն ընդգրկված է առաջին խմբում, որտեղ կհանդիպի Հունգարիայի ու Շվեդիայի հավաքականներին։ Որակավորման փուլում ընդգրկված է 36 թիմ, որոնք բաժանվել են 12 խմբի՝ յուրաքանչյուրում 3 թիմ։  

Հանդիպումները կմեկնարկեն 2026 թվականի  հոկտեմբերից և կշարունակվեն մինչև 2027 թվականի մարտ։