Բռնցքամարտիկ Դավիթ Չալոյանը դուրս է եկել Եվրոպայի գավաթի կիսաեզրափակիչ

Հայաստանի բռնցքամարտի տղամարդկանց թիմի  անդամ Դավիթ Չալոյանը առնվազն բրոնզե մեդալ է ապահովել Չեխիայում ընթացող Եվրոպայի գավաթի գրան պրիում:

«Արմենպրես»-ի հաղորդմամբ` այս մասին հայտնում է Հայաստանի բռնցքամարտի ֆեդերացիան:

Աշխարհի առաջնության բրոնզե մեդալակիրը 1/4 եզրափակիչում վստահ հաղթանակ է տոնել գերմանացի Դելիլ Յազգանի նկատմամբ: Չալոյանը բոլոր ռաունդներում ուներ նկատելի առավելություն ու հաղթեց մրցավարների միաձայն որոշմամբ:

Չալոյանը կիսաեզրափակիչում է ու եզրափակչի ուղեգրի համար կմրցի անգլիացի Աչուշին Քլինթոնի հետ, որը 1/4 եզրափակիչում հաղթել էր Փարիզի Օլիմպիական խաղերի մրցանակակիր Աբոուդո Ջամիլին: