2 րոպեի ընթերցում
Իրանի նախագահ Մասուդ Փեզեշքիանը պատմական է համարել Իրանի և ԱՄՆ-ի միջև փոխըմբռնման հուշագիրը և նշել Թեհրանի հանձնառությունը խաղաղությանը։ «Արմենպրես»-ի փոխանցմամբ՝ այս մասին նա գրել է X սոցիալական հարթակում:
این یک سند تاریخی و پیامی از ایران مقتدر است: صلح در سایه احترام متقابل تحقق خواهد یافت.
— Masoud Pezeshkian (@drpezeshkian) June 18, 2026
جمهوری اسلامی ایران به صلح جهانی با حفظ عزت و استقلال، پیشرفت و همکاری منطقهای همواره متعهد و پایبند است. pic.twitter.com/FgbeHSioKX
«Սա պատմական փաստաթուղթ և ուղերձ է հզոր Իրանից. խաղաղությունը ձեռք կբերվի փոխադարձ հարգանքի շնորհիվ», - գրել է նա։
Փեզեշքիանն ընդգծել է, որ Իրանը միշտ հանձնառու է եղել ամբողջ աշխարհում խաղաղությանը, առաջընթացին և տարածաշրջանային համագործակցությանը՝ պահպանելով իր արժանապատվությունը և անկախությունը։
Իրանի նախագահը գրառմանը կցել է փաստաթղթի լուսանկարը, որը ստորագրվել է իր, ԱՄՆ նախագահ Դոնալդ Թրամփի և Պակիստանի վարչապետ Շեհբազ Շարիֆի կողմից, որը հանդես է եկել որպես միջնորդ:
Հուշագիրը ստորագրվել է հունիսի 18-ի գիշերը։ Փաստաթղթի համաձայն՝ Իրանը և ԱՄՆ-ն, ի թիվս այլ բաների, դադարեցնում են ռազմական գործողությունները բոլոր ճակատներում և բացում Հորմուզի նեղուցը։ Նաև 60 օրվա ընթացքում կողմերը պետք է համաձայնեցնեն վերջնական համաձայնագիրը, որը թույլ կտա լուծել առավել հրատապ հարցերը։ Դրանցից գլխավորը համարվում է Իրանի միջուկային ծրագրի ճակատագիրը։