«Արարատ-Արմենիա»-ն նոր մրցաշրջանին կնախապատրաստվի Հունգարիայում

Հայաստանի ֆուտբոլի առաջնության չեմպիոն «Արարատ-Արմենիա»-ն նոր մրցաշրջանին կնախապատրաստվի Եվրոպայում:

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:

«Արարատ-Արմենիան» հունիսի 17-ից 27-ը ուսումնամարզական հավաք կանցկացնի Հունգարիայում, որի ընթացքում նախատեսված է 3 ընկերական հանդիպում:

Հայաստանի ֆուտբոլի առաջնության այս տարվա չեմպիոնը «Արարատ-Արմենիա»-ն է, որը հավաքեց 60 միավոր: Սա «Արարատ-Արմենիա»-ի երրորդ չեմպիոնությունն է։ Ակումբը Հայաստանում լավագույնն էր  նաև 2018–19 և 2019-20 մրցաշրջաններում։