368.18
Կոնգոյում էբոլայից մահացածների թիվը գերազանցել է 180-ը
1 րոպեի ընթերցում
Կոնգոյի Դեմոկրատական Հանրապետությունում (ԿԴՀ) էբոլա տենդով հիվանդացության լաբորատոր հաստատված դեպքերի թիվը հասել է 782-ի, մահացել է 181 մարդ: Ինչպես հաղորդում է «Արմենպրես»-ը, այդ մասին հայտնել է Կոնգոյի հաղորդակցության և զանգվածային լրատվամիջոցների հետ կապերի նախարարությունը։
Էբոլայի ներկայիս բռնկման պահից ի վեր երբեք չի գրանցվել ախտահարվածների և մահացությունների թվի այդքան զգալի ավելացում. վերջին օրվա ընթացքում մահացել է 32 մարդ, իսկ 72-ի մոտ հաստատվել է վարակը։
Էբոլա տենդի ներկայիս բռնկումը տեղի է ունեցել մայիսի 15-ին Կոնգոյի Դեմոկրատական Հանրապետության արևելքում։ Դրա էպիկենտրոնը գտնվում է Իտուրիի նահանգում։ Էբոլայով վարակման և դրանից մահացության դեպքեր կան նաև հարևան Ուգանդայում:
Կարդացեք հոդվածը` Русский
Բաժանորդագրվեք մեր ալիքին Telegram-ում