1 րոպեի ընթերցում
Քուվեյթի կառավարությունը հայտնել է, որ երկրի հակաօդային պաշտպանության համակարգերը որսացել են «թշնամու օդային թիրախները»։ «Արմենպրես»-ի փոխանցմամբ՝ այս մասին հայտնում է Al Jazeera-ն։
Քուվեյթի քաղաքացիական ավիացիայի վարչությունը հայտնել է, որ վերականգնել է օդային երթևեկությունը, և Քուվեյթի միջազգային օդանավակայանը վերադարձել է բնականոն գործունեությանն՝ Իրանի հարձակումների պատճառով ժամանակավորապես դադարեցված թռիչքներից հետո։
Ավելի վաղ Քուվեյթի բանակը հայտարարել էր, որ արձագանքում է հրթիռային և անօդաչու թռչող սարքերի հարձակումներին և կոչ էր արել հանրությանը հետևել անվտանգության հրահանգներին։
Իսլամական հեղափոխության պահապանների կորպուսը (ԻՀՊԿ) հայտարարել է, որ երկու ալիքով պատասխան հարված է հասցրել ԱՄՆ տարածաշրջանային օբյեկտներին, որոնք գտնվում են Քուվեյթում, Կատարում և տարածաշրջանի այլ երկրներում։