1 րոպեի ընթերցում
Նավակով մի խումբ զինված մարդիկ փորձել են առևտրային նավի վրա գրոհել, երբ այն գտնվում էր Եմենի հարավային ափի Բալհաֆի նավահանգստից մոտավորապես 160 կիլոմետր դեպի հարավ-արևմուտք։ «Արմենպրես»-ի փոխանցմամբ՝ այս մասին հաղորդում է Մեծ Բրիտանիայի ծովային առևտրային գործառնությունների վարչությունը (UKMTO):
Նավի անվտանգության աշխատակիցների և վեց զինված հարձակվողների միջև փոխհրաձգություն է տեղի ունեցել, որից հետո նավակը հետ է շրջվել ու հեռացել։
Ընթանում է միջադեպի հետաքննություն։
UKMTO-ն չի նշում, թե ով կարող է կանգնած լինել միջադեպի հետևում։
Հունիսի 8-ին Եմենի հութիները սպառնացել էին հարձակվել Իսրայելի հետ կապված նավերի վրա Բաբ էլ Մանդեբի նեղուցում։