Թրամփը սպառնացել է մենակ թողնել Նեթանյահուին, եթե Իրանի դեմ հարվածները շարունակվեն. Axios

3 րոպեի ընթերցում

ԱՄՆ նախագահ Դոնալդ Թրամփը Axios-ի հետ հարցազրույցում հայտարարել է, որ զգուշացրել է Իսրայելի վարչապետ Բենիամին Նեթանյահուին, որ նա կարող է մնալ առանց աջակցության, եթե կրկին պատերազմի Իրանի դեմ, տեղեկացնում է «Արմենպրես»-ը։

Ըստ պարբերականի՝ Թրամփը և Նեթանյահուն հեռախոսազրույց են ունեցել այն բանից հետո, երբ Իսրայելը պատասխանել է Իրանի հարվածներին։ Ըստ Թրամփի՝ տարածաշրջանի հինգ երկիր կապվել է իր հետ և խնդրել, որ ինքը Նեթանյահուին ստիպի դադարեցնել գործողությունները։

Թրամփը նաև նշել է, որ հունիսի 8-ի առավոտյան ուղերձներ է ստացել իրանական կողմից. նրանք ասել են, որ պատրաստ են դադարեցնել հարվածները, եթե Իսրայելն անի նույնը։ Թրամփը զանգահարել է Նեթանյահուին և խնդրել նրան ավարտել գործողությունները։

«Ես ասացի. «Բիբի՛, ավելի լավ է զգույշ լինես, այլապես շուտով մենակ կմնաս», - Axios-ը մեջբերում է Թրամփի խոսքերը։

ԱՄՆ նախագահը լրատվամիջոցի հետ զրույցում նաև նշել է, որ Իսրայելը շատ ուշ է տեղեկացրել իրենց հարվածների մասին։

«Նրանք արդեն դրա ճանապարհին էին։ Բայց ես, ի վերջո, սահմանափակեցի դրանք (խմբ.՝ իսրայելական հարվածները)», - նշել է Թրամփը։

Իսրայելցի աղբյուրներից մեկն Axios-ին ասել է, որ հեռախոսազրույցի ընթացքում եղել են տարաձայնություններ, սակայն Նեթանյահուն համաձայնել է դադարեցնել հարվածները, եթե Իրանն այլևս չհարձակվի Իսրայելի վրա։

Հունիսի 7-ի երեկոյան Իրանը երկու տասնյակից ավելի հրթիռներ է արձակել Իսրայելի ուղղությամբ՝ ի պատասխան իսրայելական բանակի կողմից Բեյրութի արվարձանում «Հեզբոլլահ»-ի թիրախների գնդակոծության։ Իրանական կողմը նշել է, որ Իսրայելն ավերիչ հարվածներ է ստացել: Իսրայելն իր հերթին հայտարարել է, որ Իրանից արձակված բոլոր հրթիռները խոցվել են կամ ընկել բաց տարածքում։

Իսրայելի բանակն էլ հայտարարել է Իրանի կենտրոնական և արևմտյան հատվածներում ռազմական թիրախներին հարվածներ հասցնելու մասին։

ԱՄՆ նախագահ Դոնալդ Թրամփը կողմերին կոչ է արել դադարեցնել կրակը և հայտարարել բանակցությունների մասին։ Կողմերը հունիսի 8-ին հայտարարել են, որ դադարեցնում են հարվածները։

Իրան

Իրանը և Իսրայելը հայտարարել են հարվածները դադարեցնելու մասին

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն