Լիբանանում իսրայելական հարվածներից նոր զոհեր են գրանցվել

2 րոպեի ընթերցում

Իսրայելական ռազմական ինքնաթիռները հունիսի 8-ի լուսադեմին թիրախավորել են Լիբանանի հարավում գտնվող Նաբատիե շրջանի Զեֆթա գյուղը, որի հետևանքով զոհվել է չորս մարդ։ «Արմենպրես»-ի փոխանցմամբ՝ այս մասին հաղորդում է Լիբանանի ազգային լրատվական գործակալությունը (NNA):

Հարվածներից մեկը ուղղվել էր ապաստարանի վրա։

Գործակալության տեղեկացմամբ՝ Նաբատիեի շրջանը պարբերաբար ենթարկվում է հրետակոծության։

Ավելի վաղ Լիբանանի առողջապահության նախարարությունը հայտարարել էր, որ Բեյրութի հարավային արվարձաններում գտնվող Մրեյջե շրջանի վրա իսրայելական ուժերի իրականացրած հարձակման հետևանքով երկու մարդ զոհվել, ևս 20-ը վիրավորվել է։

Լիբանանի կառավարության նիստից հետո X-ում վարչապետ Նավաֆ Սալամի գրասենյակի հրապարակած գրառման մեջ նշվել է, որ ապրիլի 17-ից մինչև հունիսի 7-ն Իսրայելի կողմից հրադադարի խախտումների ընդհանուր թիվը հասել է 3491-ի։ Նաև նշվել է իրականացված 407 պայթյունի և իսրայելական ցամաքային 6 ներխուժման մասին։

Տեղեկություններ են հաղորդվել, որ մարտին Իսրայել-«Հեզբոլլահ» պատերազմի սկսվելուց ի վեր իսրայելական հարձակումների հետևանքով զոհվել է լիբանանյան բանակի 29 զինվոր։

Ըստ Լիբանանի առողջապահության նախարարության՝ մարտի 2-ից, երբ Իսրայելի վրա «Հեզբոլլահ»-ի հարձակման պատճառով Լիբանանը ներքաշվեց Մերձավոր Արևելքում պատերազմի մեջ, երկրում իսրայելական գործողությունների զոհերի ընդհանուր թիվը հասել է 3613-ի, իսկ վիրավորներինը՝ 11 072-ի։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն