Սանկտ Պետերբուրգի սպորտային ցատկացանցի միջազգային մրցումներին ՀՀ պատանիների հավաքական թիմը մեդալ է նվաճել

Ռուսաստանի Սանկտ Պետերբուրգ քաղաքում մայիսի 25-29-ն անկացված սպորտային ցատկացանցի միջազգային մրցումներին ՀՀ պատանիների հավաքական թիմը ևս մեդալ է նվաճել։ 

Ինչպես «Արմենպրես»-ին տեղեկացրեց ՀՀ ցատկացանցի հավաքականի ավագ մարզիչ, միջազգային կարգի մրցավար Դավիթ Ֆահրադյանը, Հայաստանի հավաքականի թիմից 11-ամյա Սարգիս Ֆահրադյանը կրկնակի փոքր ցատկացանցի վարժություններից գրավել է երկրորդ հորիզոնականը՝ չնայած այն հանգամանքին, որ Սարգիսը տարիքով ամենափոքրն է եղել մրցակիցների համեմատ։ 

Դավիթ Ֆահրադյանը նշել է, որ մրցումներն իրենց ձևաչափով չեն զիջել ցատկացանցի աշխարհի տարիքային առաջնությանը։