1 րոպեի ընթերցում
Հայկական արմատներով ռուսաստանցի թենիսիստ Կարեն Խաչանովը «Ռոլան Գարոս»-ի 1/16 եզրափակչում է:
«Արմենպրես»-ի հաղորդմամբ` Փարիզում ընթացող «Մեծ սաղավարտի» հերթական մրցաշարի` «Ռոլան Գարոս»-ի տղամարդկանց մենախաղի 2-րդ շրջանում Կարեն Խաչանովը մրցեց Արգենտինայի ներկայացուցիչ Մարկո Տրունգելիտիի հետ: Մոտ 4 ժամ ձգված մրցախաղում` Խաչանովը հաղթեց 4 սեթերից հետո` 7:6, 5:7, 6:1, 7:6 հաշվով:
«Ռոլան Գարոս»-ն այս տարի անցկացվում է մայիս 18-ից հունիսի 7-ը: Կանանց մենախաղի եզրափակիչը կկայանա հունիսի 6-ին, իսկ տղամարդկանցը՝ հունիսի 7-ին: 2026-ի մրցաշարի ընդհանուր մրցանակային ֆոնդը ռեկորդային է՝ մոտ 61.7 միլիոն եվրո։ Մենախաղի հաղթողները կստանան 2.8 միլիոն եվրո: Մրցաշարի գործող չեմպիոնը տղամարդկանց մենախաղում իսպանացի Կառլոս Ալկարասն է, իսկ կանանցը` ԱՄՆ ներկայացուցիչ Կորի Գաուֆը: «Ռոլան Գարոս»-ը միակ մրցաշարն է, որն անցկացվում է կավե կորտում: