367.89
Լավրովը Հայաստանի հետ հարաբերությունները դաշնակցային ու միևնույն ժամանակ բարդ է որակել
2 րոպեի ընթերցում
Ռուսաստանի արտաքին գործերի նախարար Սերգեյ Լավրովը հայտարարել է, որ Երևանն ու Մոսկվան ունեն մտերիմ, դաշնակցային, սակայն միևնույն ժամանակ նաև բարդ հարաբերություններ։
«Արմենպրես»-ի փոխանցմամբ՝ ՌԴ ԱԳ նախարարն այս մասին ասել է Նյու Դելիում ԲՐԻԿՍ-ի նախարարական հանդիպման արդյունքներով կայացած մամուլի ասուլիսի ժամանակ։
Լավրովն Արևմուտքին մեղադրել է ԱՊՀ-ի և ԵԱՏՄ-ի գործընկեր երկրների հետ Հայաստանի փոխշահավետ տնտեսական, առևտրային, ներդրումային կապերը խզելու փորձերի հետ՝ շեշտելով, որ Հայաստանը կարող է կորցնել բոլոր առավելությունները Եվրասիական տնտեսական միությունում։
Նա նշել է, որ Երևանի և Մոսկվայի հարաբերությունները կքննարկեն մայիսի վերջին Ղազախստանում կայանալիք ԵԱՏՄ գագաթնաժողովի ժամանակ։
ՌԴ ԱԳ նախարարն ափսոսանք է հայտնել, որ Հայաստանի վարչապետը չի մասնակցելու մայիսի 28-ին Ղազախստանում նախատեսված ԵԱՏՄ գագաթնաժողովին՝ շեշտելով, որ դա լավ հնարավորություն է «քննարկելու այն հարցերը, որոնք օդում կախված են»։
Հայաստանի վարչապետ Նիկոլ Փաշինյանն ավելի վաղ հայտարարել էր, որ չի մասնակցելու մայիսի 28-ին Ղազախստանում կայանալիք ԵԱՏՄ գագաթնաժողովին։ Նա նշել էր, որ ՌԴ նախագահ Վլադիմիր Պուտինին և Ղազախստանի նախագահ Կասիմ-Ժոմարտ Տոկաևին տեղեկացրել է, որ Հայաստանում նախընտրական քարոզարշավի պատճառով չի կարողանալու մասնակցել գագաթնաժողովին։
Բաժանորդագրվեք մեր ալիքին Telegram-ում