1 րոպեի ընթերցում
Գեղարքունիքի մարզի Մարտունի քաղաքում ՀՀ կառավարության կողմից իրականացվող սուբվենցիոն ծրագրերի շրջանակներում ընթանում են Չարենցի փողոցի հիմնանորոգման աշխատանքները։
Ինչպես «Արմենպրես»-ին տեղեկացրին Մարտունիի համայնքապետարանի աշխատակազմից, փողոցի երթևեկելի մասի հիմնանորոգման աշխատանքներին զուգահեռ ընթանում են նաև երկկողմանի մայթերի կառուցման ու սալարկման աշխատանքները։
Չարենցի փողոցի մայթերի կառուցման ու սալարկման ծրագրի պայմանագրային արժեքը կազմում է 27 միլիոն դրամ, որի 65 տոկոսը հատկացնում է ՀՀ կառավարությունը, 35 տոկոսը՝ Մարտունիի համայնքապետարանը։
Չարենցի փողոցի երթևեկելի մասի հիմնանորոգման ծրագրի պայմանագրային արժեքը կազմում է 42 միլիոն դրամ, որի 50 տոկոսը հատկացնում է ՀՀ կառավարությունը, 50 տոկոսը՝ Մարտունիի համայնքապետարանը։
Ծրագրով նախատեսվում է երկկողմանի մայթերի կառուցում՝ շուրջ 1087 քմ մակերեսով, և ճանապարհի երթևեկելի մասի ասֆալտապատում՝ 435 գծամետր երկարությամբ և շուրջ 3045 քմ մակերեսով։ Տեղադրվում է նաև միակողմանի ջրահեռացման համակարգ։
Շինարարական աշխատանքները նախատեսվում է ավարտել աշնանը։