1 րոպեի ընթերցում
ԱՄԷ նախագահ շեյխ Մուհամմադ բին Զայեդ ալ-Նահյանը հեռախոսազրույց է ունեցել Կատարի էմիր շեյխ Թամիմ բին Համադ ալ-Թանիի հետ։ «Արմենպրես»-ի փոխանցմամբ՝ այս մասին հայտնում է էմիրաթական WAM գործակալությունը։
Հեռախոսազրույցի ընթացքում կողմերը քննարկել են երկկողմ հարաբերությունները և տարբեր ոլորտներում համագործակցության և համատեղ գործողությունների ամրապնդման ուղիները։
Նրանք նաև անդրադարձել են տարածաշրջանային զարգացումներին և դրանց հետևանքներին տարածաշրջանային և միջազգային անվտանգության ու կայունության վրա։
Երկու առաջնորդները հաստատել են իրենց փոխադարձ հանձնառությունը՝ շարունակելու համակարգումը և խորհրդակցություններն ընդհանուր մտահոգության առարկա հանդիսացող տարբեր հարցերի շուրջ։
Ավելի վաղ ԱՄԷ նախագահը հեռախոսազրույցներ էր ունեցել ԱՄՆ նախագահ Դոնալդ Թրամփի և Սաուդյան Արաբիայի թագաժառանգ, վարչապետ Մուհամմադ բին Սալման աս-Սաուդի հետ՝ քննարկելով տարածաշրջանային վերջին զարգացումները և անվտանգության ու կայունության հասնելու ուղղությամբ ձեռնարկվող ջանքերը։