Հայաստանը և ԵՄ-ն առաջընթաց են գրանցում վիզաների ազատականացման հարցում. ֆոն դեր Լայեն

Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Հայաստանը և Եվրամիությունն առաջընթաց են գրանցում վիզաների ազատականացման հարցում։ «Արմենպրես»-ի փոխանցմամբ՝ այս մասին նա գրել է X-ում՝ գրառմանը կցելով Հայաստան-ԵՄ գագաթնաժողովից հետո կայացած մամուլի ասուլիսի տեսանյութը։

«Մենք առաջընթաց ենք գրանցում վիզաների ազատականացման հարցում։ Գիտեմ, որ դա մեծապես կարևոր է հայերի համար։ Դա նաև կարևոր է ԵՄ-ի համար, քանի որ այն մեր ժողովուրդներին ավելի է մոտեցնում իրար։ Վստահ եմ, որ մենք կհասնենք դրան», - նշել է Եվրահանձնաժողովի նախագահը։

We are making progress on visa liberalisation.

I know it matters to Armenians deeply.

It matters to the EU too, because it draws our people closer together.

I'm sure we will get there. https://t.co/ERy5xNfbAT

— Ursula von der Leyen (@vonderleyen) May 5, 2026

ՀՀ-ԵՄ առաջին գագաթնաժողովի արդյունքներն ամփոփող մամուլի ասուլիսի ժամանակ Ուրսուլա ֆոն դեր Լայենը նշել էր, որ Եվրամիությունը ցանկանում է Հայաստանը ներդրումների համար գրավիչ երկիր դարձնել։