Արաղչին Հարավային Կորեայի բանագնացի հետ հանդիպմանը մեղադրել է ԱՄՆ-ին և Իսրայելին տարածաշրջանային անկայունության մեջ
1 րոպեի ընթերցում
Իրանի արտգործնախարար Աբբաս Արաղչին Թեհրանում հանդիպել է Հարավային Կորեայի ԱԳՆ հատուկ բանագնաց Չանգ Բյոնգ-հանի հետ։ Ինչպես հաղորդում է «Արմենպրես»-ը՝ վկայակոչելով Իրանի կառավարության տարածած մամուլի հաղորդագրությունը, ԱԳ նախարարը բանագնացին է ներկայացրել «ԱՄՆ-ի և Իսրայելի ռեժիմի հանցագործություններն Իրանի դեմ 40-օրյա ագրեսիայի ընթացքում և կոչ է արել երկրներին հստակ ու վճռական դիրքորոշում ընդունել՝ դատապարտելու այս հարձակումները»։
Արաղչին հայտարարել է, որ ԱՄՆ-ի և Իսրայելի գործողությունները Պարսից ծոցի տարածաշրջանում և Հորմուզի նեղուցում «անապահովության արմատն են»։
«Իրանը, որպես ափամերձ պետություն, միջազգային իրավունքի համաձայն միջոցներ է ձեռնարկել իր անվտանգությունն ու շահերը պաշտպանելու համար. հետևանքների պատասխանատվությունը կրում են ագրեսորները»,- ասվում է կառավարության տարածած հաղորդագրության մեջ։