368.05
Իրանը հայտնել է ԱՄՆ-ի հետ հրադադարի ռեժիմի պահպանման պայմանը
1 րոպեի ընթերցում
ԱՄՆ-ի և Իրանի միջև հրադադարի ռեժիմը կպահպանվի, եթե հրադադար լինի Իսրայելի և Լիբանանի միջև։ Դա այն պայմաններից մեկն է, որոնք առաջադրվել են Իսլամական Հանրապետության կողմից: «Արմենպրես»-ի փոխանցմամբ՝ այս մասին հայտարարել է ՄԱԿ-ում Իրանի մշտական ներկայացուցիչ Ամիր Սայիդ Իրավանին։
«Պայմաններից մեկը, որոնք մենք առաջադրել ենք, այն է, որ հրադադարի ռեժիմը պետք է տարածվի ամբողջ տարածաշրջանի, ներառյալ՝ Լիբանանի վրա», - մեջբերել է նրա խոսքը SNN հեռուստաալիքը։
Իրավանին նաև հայտարարել է, որ Իրանը պատրաստ է կարգավորել Միացյալ Նահանգների հետ հակամարտությունն ինչպես դիվանագիտական, այնպես էլ ռազմական ուղիով։
«Եթե նրանք ցանկանան նստել բանակցությունների սեղանի շուրջ, մենք պատրաստ կլինենք, բայց եթե նրանք ընտրեն պատերազմի ուղին, ապա Իրանը պատրաստ է նաև դրան», - ասել է դիվանագետը:
Բաժանորդագրվեք մեր ալիքին Telegram-ում