ԵՄ-ն մտադիր է զգուշացնել իր անդամ-երկրներին վաղաժամ չփակել ատոմակայանները

2 րոպեի ընթերցում

ԵՄ-ն պատրաստվում է զգուշացնել իր անդամ երկրներին վաղաժամ չփակել ատոմակայանները, քանի որ Եվրոպան ավելացնում է էլեկտրաէներգիայի մատակարարումն՝ Իրանի դեմ պատերազմի հետևանքները հաղթահարելու համար։ «Արմենպրես»-ի փոխանցմամբ՝ այս մասին նշված է Եվրոպայում էներգետիկ ճգնաժամը լուծելու՝ Եվրահանձնաժողովի առաջարկների նախագծում, որը հայտնվել է Reuters-ի տրամադրության տակ:

Ըստ գործակալության՝ Եվրոպական հանձնաժողովն ապրիլի 22-ին կհրապարակի էներգակիրների գների աճը փոխհատուցելու միջոցառումների փաթեթ։

Reuters-ի տրամադրության տակ հայտնված նախագծով կառավարությունների համար տարբեր միջոցառումներ են սահմանվում՝ «հրատապ օգնություն» տրամադրելու համար։

Ըստ փաստաթղթի՝ երկրները պետք է փորձեն ժամանակից շուտ շահագործումից չհանել էլեկտրաէներգիայի արտադրության ակտիվները, ինչպիսիք են գործող միջուկային կայանները, որոնք «կարող են շարունակել մատակարարել հուսալի, մատչելի և քիչ արտանետումներով էլեկտրականություն»։ Նաև նշվում է, որ սա կարող է օգնել զսպել հանածո վառելիքի պահանջարկը ջեռուցման և արդյունաբերության համար։

Ավելի վաղ Եվրահանձնաժողովի նախագահ Ուրսուլա ֆոն դեր Լայենը հայտարարել էր, որ Եվրոպայի ատոմային էներգիայի հատվածի կրճատումը «ռազմավարական սխալ է»։

ԵՄ-ում էներգիա ամենաշատ օգտագործող Գերմանիան 2011 թվականի Ֆուկուսիմայի աղետից հետո հանրային դիմադրության և անվտանգության հետ կապված մտահոգությունների պատճառով աստիճանաբար դադարեցրել է ատոմային էներգիայի արտադրությունը։ Երկրի վերջին ռեակտորը փակվել է 2023 թվականին։

Իսպանիան նախատեսում է սկսել իր միջուկային ռեակտորների փակումը 2027 թվականին, չնայած էներգետիկ ընկերությունները խնդրել են երկարաձգել փակվելու ենթակա առաջին ռեակտորի կյանքի ժամկետը։

ԵՄ այլ անդամներ, այդ թվում՝ Բելգիան և Նիդեռլանդները, վերջերս չեղարկել են ատոմային էներգիայից հրաժարումը, քանի որ ձգտում են ապահովել կայուն, ցածր ածխածնային էներգիայի մեծ քանակություն։

Հայերեն Русский

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը