1 րոպեի ընթերցում
Հայաստանի ծանրամարտի կանանց հավաքականը մեկնարկեց Եվրոպայի առաջնությունում:
«Արմենպրես»-ի հաղորդմամբ` Վրաստանի Բաթումի քաղաքում շարունակվող Եվրոպայի առաջնության մրցումային հերթական օրը Հայաստանի հավաքականից պայքարի մեջ մտան 53 կգ քաշային Իզաբելլա Յայլյանն ու Տանզելա Գրիգորյանը:
Իզաբելլա Յայլյանը պոկում վարժությունում բարձրացրեց նախ 76 կգ, այնուհետ 80 կգ: Նա չկարողացավ բարձրացնել 82 կգ: Այս վարժությունում նա 5-րդն է: Հրումում նա բարձրացրեց միայն 95 կգ: Երկամարտի 175 կգ արդյունքով` Յայլյանը գրավեց 9-րդ տեղը:
Տանզելա Գրիգորյանը երկու հաջող մոտեցում ունեցավ ու բարձրացրեց 74 կգ ու 78 կգ: Նա չկարողացավ գլխավերևում պահել 80 կգ: Այս ձևում նա 9-րդն է: Հրումում նա գլխավերևում պահեց 96 ու 101 կգ: Երկամարտի 179 կգ արդյունքով Տանզելա Գրիգորյանն իր առաջին Եվրոպայի առաջնությունում 6-րդն է: