Մերձավոր Արևելքում էներգապաշարների արդյունահանման վերականգնումը կպահանջի երկու տարի. ԷՄԳ

2 րոպեի ընթերցում

Մերձավոր Արևելքում էներգապաշարների արդյունահանման վերականգնումը մինչպատերազմյան ծավալների կարող է տևել մոտ երկու տարի: «Արմենպրես»-ի փոխանցմամբ՝ այս մասին հայտարարել է Էներգետիկայի միջազգային գործակալության (ԷՄԳ) ղեկավար Ֆաթիհ Բիրոլը։

«Ընդհանուր առմամբ, կպահանջվի մոտ երկու տարի նախապատերազմական մակարդակին վերադառնալու համար։ Իհարկե, (Հորմուզի) նեղուցի բացման օրն իրավիճակը զգալիորեն կբարելավվի, բայց լրիվ կարողության վերականգնման համար ժամանակ կպահանջվի», - հայտարարել է նա շվեյցարական Die Neue Zürcher Zeitung թերթի հետ հարցազրույցում։

Բիրոլը բացատրել է, որ «իրավիճակը կտարբերվի՝ կախված երկրից»։

«Օրինակ, Իրաքում դա շատ ավելի երկար ժամանակ կպահանջի, քան Սաուդյան Արաբիայում», - նշել է նա։

ԷՄԳ-ի ղեկավարի խոսքով՝ Մերձավոր Արևելքում «վնասվել է ավելի քան 80 էներգետիկ օբյեկտ»։ Ընդ որում, դրանց ավելի քան մեկ երրորդը լուրջ կամ շատ լուրջ վնաս է կրել։

«Կպահանջվեն ժամանակ, հսկայական ջանքեր և զգալի ներդրումներ ճգնաժամից առաջ եղած մակարդակին վերադառնալու համար։ Մենք պետք է որոշ ժամանակ տրամադրվենք, որ շուկան անկայուն կլինի», - եզրափակել է նա:

Փետրվարի 28-ին ամերիկա-իսրայելական ռազմական գործողություններից հետո Իրանը պատասխան հարվածներ է հասցրել Իսրայելին և տարածաշրջանում ամերիկյան ռազմակայաններին ու էներգետիկ օբյեկտներին։ Իրան նաև արգելել էր ոչ բարեկամական երկրների նավերի անցումը Հորմուզի նեղուցով։

Ապրիլի 8-ին երկշաբաթյա հրադադարի հաստատվեց, իսկ ապրիլի 13-ին ԱՄՆ-ն սկսեց իրանական նավահանգիստների շրջափակումը՝ թույլ չտալով այնտեղ նավերի մուտքը կամ ելքը։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն