368.52
Պակիստանի վարչապետը Կատարի էմիրի հետ քննարկել է տարածաշրջանային իրավիճակը
1 րոպեի ընթերցում
Պակիստանի վարչապետ Շեհբազ Շարիֆը հայտարարել է, որ Կատարի էմիր շեյխ Թամիմ բին Համադ աթ-Թանիի հետ հանդիպման ժամանակ քննարկել է իրավիճակը տարածաշրջանում, մասնավորապես՝ Պարսից ծոցի շրջանում։ «Արմենպրես»-ի փոխանցմամբ՝ այս մասին Շարիֆը նշել է X-ում գրառման մեջ։
«Մենք քննարկեցինք տարածաշրջանային զարգացող իրավիճակը, մասնավորապես՝ Պարսից ծոցի շրջանում, և ընդգծեցինք լարվածության թուլացման, երկխոսության և սերտ միջազգային համակարգման կարևորությունը՝ խաղաղություն և կայունություն ապահովելու նպատակով», - գրել է նա։
Շարիֆը վերահաստատել է, որ Պակիստանը խստորեն դատապարտում է Կատարի և տարածաշրջանային այլ երկրների դեմ ուղղված հարձակումները և լիակատար համերաշխություն է հայտնում Կատարի ժողովրդին։
Ավելի վաղ Պակիստանի վարչապետն այցելել էր Սաուդյան Արաբիա և հանդիպել թագաժառանգ Մուհամմադ բին Սալմանի հետ՝ քննարկելով տարածաշրջանային և միջազգային, ինչպես նաև ԱՄՆ-ի և Իրանի միջև բանակցություններին առնչվող հարցեր։
Պակիստանի վարչապետը տարածաշրջանային այցի շրջանակում նաև կմեկնի Թուրքիա։
Պակիստանն ակտիվորեն հանդես է գալիս որպես միջնորդ Իրանի և ԱՄՆ-ի միջև՝ նպատակ ունենալով նպաստել երկկողմ բանակցություններին։
Բաժանորդագրվեք մեր ալիքին Telegram-ում