1 րոպեի ընթերցում
Ուկրաինան և Ռուսաստանը հայտնել են միմյանց նոր հարվածներ հասցնելու մասին, որոնց հետևանքով կան նոր զոհեր։ «Արմենպրես»-ի փոխանցմամբ՝ BBC-ի ռուսական ծառայությունը հաղորդում է, որ ըստ Արտակարգ իրավիճակների պետական ծառայության՝ Կիևում զոհվել է 4 մարդ, այդ թվում՝ երեխա։ 48 մարդ վիրավորվել է։
Օդեսայում 8 մարդ է զոհվել։ Դնեպրոպետրովսկի մարզում 3 մարդ զոհվել է, 34-ը՝ վիրավորվել։ Խարկովում կա 2 վիրավոր։
Ըստ Ուկրաինայի ռազմաօդային ուժերի՝ վերջին մեկ օրվա ընթացքում Ռուսաստանն Ուկրաինայի ուղղությամբ արձակել է 44 հրթիռ, 659 անօդաչու թռչող սարք։
Իր հերթին, ՌԴ պաշտպանության նախարարությունը հայտնել է գիշերվա ընթացքում ուկրաինական 200-ից ավելի անօդաչու թռչող սարք խոցելու մասին։
Կրասնոդարի երկրամասի Տուապսե քաղաքում 5 և 14 տարեկան երկու երեխա է զոհվել։ Եվս երկու մարդ վիրավորվել է։