1 րոպեի ընթերցում
Հնդկաստանի Չհատիսգարհի նահանգում Vedanta Limited ընկերության ջերմաէլեկտրակայանում տեղի ունեցած պայթյունի հետևանքով զոհերի թիվը հասել է 19-ի: Ինչպես «Արմենպրես»-ը տեղեկանում է ՏԱՍՍ գործակալությունից, այդ մասին լրագրողներին հայտնել է Սակտի շրջանի ոստիկանապետը։
«Պայթյունի զոհերի թիվը հասել է 19-ի:17 մարդ մնում է հիվանդանոցներում», - ասել է ոստիկանապետ Փրաֆուլ Թհաքուրը։
Ինչպես ավելի վաղ հայտնել է Vedanta Limited-ի տնօրինությունը, Սակտի շրջանում գտնվող ջերմաէլեկտրակայանում պայթել է խողովակաշար, ինչից հետո պայթյունի վայրի մոտ գտնվող աշխատողների վրա թափվել է 600 աստիճան գերտաքացած գոլորշին։
Կատարվում է արտակարգ պատահարի հետաքննություն: