Իրանը հնարավոր է համարում ԱՄՆ-ի հետ հակամարտության լիակատար դադարեցումը

Իրանը կարծում է, որ Ամերիկայի Միացյալ Նահանգների հետ հակամարտության լիակատար դադարեցումը հնարավոր է, եթե Վաշինգտոնը «լուրջ մոտեցում» ցուցաբերի այդ հարցում։

Ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին հայտարարել է Իրանի արտաքին գործերի նախարար Աբբաս Արաղչին։

«Եթե ԱՄՆ-ն լուրջ մոտեցում ցուցաբերի, հնարավոր կլինի հասնել պատերազմի լիակատար դադարեցմանը, կայունության և կայուն անվտանգության ապահովմանը», - այս մասին Արաղչին ասել է Թուրքիայի ԱԳ նախարար Հաքան Ֆիդանի հետ հեռախոսազրույցում։