Ավելի քան 370 ամերիկացի զինվորական է տուժել Իրանի դեմ գործողությունների ընթացքում

Ավելի քան 370 ամերիկացի զինծառայող է տուժել Իրանի դեմ փետրվարի 28-ից սկսված ռազմական գործողությունների ընթացքում: Ինչպես հաղորդում է «Արմենպրես»-ը` վկայակոչելով CBS հեռուստաընկերությունը, այս մասին հայտնել է ԱՄՆ-ի զինված ուժերի կենտրոնական հրամանատարության ներկայացուցիչը։

Հեռուստաալիքի զրուցակցի տվյալներով՝ շուրջ 330 մարդ արդեն վերադարձել է ծառայողական պարտականությունների կատարմանը, հինգը՝ ծանր վիրավորում ունեն։

CBS-ը նաև հաղորդել է, որ անցած գիշեր Քուվեյթի Ալի ալ Սալեմ ավիաբազային հասցված իրանական անօդաչու թռչող սարքի հարվածի հետևանքով վնասվածքներ են ստացել 15 ամերիկացի զինծառայողներ։

Ավելի վաղ Պենտագոնը հայտնել է, որ Իրանի դեմ գործողության սկզբից ի վեր զոհվել է ամերիկացի 13-ը զինծառայող։

ԱՄՆ-ի շտաբների պետերի միացյալ կոմիտեի նախագահ գեներալ Դեն Քեյնի խոսքով՝ ամերիկացի զինծառայողների վնասվածքների մեծ մասն իրանական անօդաչու թռչող սարքերի գրոհների հետևանք է։