1 րոպեի ընթերցում
ԱՄՆ փոխնախագահ Ջեյ Դի Վենսը հայտարարել է, որ Հունգարիա այցի ընթացքում մտադիր է վարչապետ Վիկտոր Օրբանի հետ, ի թիվս այլ հարցերի, քննարկել Ուկրաինայի խաղաղության գործընթացը։
«Ես անհամբեր սպասում եմ իմ ընկեր Վիկտորի հետ հանդիպմանը։ Մենք կքննարկենք ԱՄՆ-Հունգարիա հարաբերություններին վերաբերող մի շարք հարցեր։ Իհարկե, վստահ եմ, որ զգալի ուշադրություն կդարձվի Եվրոպային, Ուկրաինային և այլ թեմաների», - «Արմենպրես»-ի փոխանցմամբ, ասել է Վենսը Բուդապեշտ մեկնելուց առաջ լրագրողների հետ զրույցում։
Ըստ Սպիտակ տան մամուլի ծառայության ապրիլի 2-ի հայտարարության՝ Վենսի այցը Հունգարիա կկայանա ապրիլի 7-8-ը։ ԱՄՆ փոխնախագահի այցը նպատակ ունի ցույց տալ ԱՄՆ ներկայիս վարչակազմի աջակցությունը Հունգարիայի գործող վարչապետին։ ԱՄՆ նախագահ Դոնալդ Թրամփը նախկինում ևս իր աջակցությունն է հայտնել նրան։
Հունգարիայում խորհրդարանական ընտրությունները նախատեսված են ապրիլի 12-ին։