ԱՄՆ-ն և Իսրայելը ավիահարված են հասցրել Իրանի հարավում գտնվող նավթաքիմիական համալիրին

Իրանի Խուզեստան հարավային նահանգում գտնվող «Բանդար Իմամ» նավթաքիմիական համալիրը ենթարկվել է ամերիկա-իսրայելական ուժերի ավիահարվածին։ «Արմենպրես»-ի հաղորդմամբ՝ այս մասին հայտնում է արաբական «Ալ Ջազիրա» հեռուստաալիքը։

Լրատվամիջոցը վկայակոչելով տեղական իշխանություններին՝ տեղեկացնում է, որ վնաս է հասցվել համալիրի տարածքում գործող երկու ընկերությունների։ Վնասվել են նաև մոտակա օբյեկտները։ Զոհերի և տուժածների մասին տեղեկություններ չկան։