Պուտինը հայտարարել է, որ Հայաստանի վարչապետի և Ադրբեջանի նախագահի ջանքերով հնարավոր է դարձել հարաբերությունների կայունացում
2 րոպեի ընթերցում
Ռուսաստանի նախագահ Վլադիմիր Պուտինը հայտարարել է, որ Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի ջանքերի շնորհիվ հնարավոր է դարձել հասնել հարաբերությունների կայունացման։ «Արմենպրես»-ի հաղորդմամբ՝ խոսելով տարածաշրջանային անվտանգության և Ղարաբաղի շուրջ զարգացումների մասին՝ Պուտինը նշել է, որ վերջին շրջանում նկատվում է հարաբերությունների կայունացման միտում։
«Այսօր, ձեր ջանքերի և Ադրբեջանի նախագահի ջանքերի շնորհիվ, իմ կարծիքով, հաջողվել է դուրս գալ հարաբերությունների կայունացման»,- ասել է նա։
ՌԴ նախագահի խոսքով՝ այդ գործընթացում ներգրավված է եղել նաև ԱՄՆ նախագահ Դոնալդ Թրամփը, և առկա են առաջընթացի որոշ նշաններ, այդ թվում՝ տրանսպորտային հաղորդուղիների ապաշրջափակման ուղղությամբ։
Միաժամանակ Պուտինը անդրադարձել է նաև Ղարաբաղի հարցին՝ հիշեցնելով, որ 2022 թվականին Պրահայում Հայաստանը ճանաչել է Ղարաբաղը որպես Ադրբեջանի մաս, ինչից հետո, ըստ նրա, այն դարձել է Ադրբեջանի ներքին հարցը։
«Կարծում եմ, որ նաև ակնհայտ է, որ այն բանից հետո, երբ դուք Պրահայում 2022 թվականին ընդունեցիք, որ Ղարաբաղը Ադրբեջանի մաս է, ՀԱՊԿ-ի կողմից միջամտություն այս գործընթացին, որը ձեռք է բերել ներադրբեջանական հարթություն, դա ուղղակի բոլորովին ոչ կոռեկտ կլիներ»,- ասել է Պուտինը։