1 րոպեի ընթերցում
Ապրիլի 1-ի առավոտյան Թեհրանում երկու հրթիռային հարվածների հետևանքով վնասվել է Սուրբ Նիկողայոս ուղղափառ տաճարի գլխավոր շենքը և հարակից տնտեսական շինությունները: «Արմենպրես»-ն այս մասին տեղեկանում է «Ինտերֆաքս» գործակալությունից։
Նշվում է, որ ըստ Ռուսաստան ի դեսպանատան հաղորդագրության՝ կոտրվել են շենքերի պատուհաններն ու դռները։
Բացի այդ, զգալիորեն տուժել է հարակից տարածքում գտնվող ռուսական ծերանոցը, որտեղ դեռևս ապրում են տարեց բնակիչներ: Զոհեր և տուծաժներ չկան։
Դեսպանատնից հայտնել են, որ տաճարը վնասվել է Սուրբ Զատկի նախաշեմին, և որ «Միացյալ Նահանգների և Իսրայելի ռազմական արկածախնդրության պատճառով Իրանի ուղղափառ համայնքը զրկված է եկեղեցի հաճախելու հնարավորությունից»։
«Խստորեն դատապարտում ենք Իրանի դեմ շարունակվող ամերիկա-իսրայելական ագրեսիան, որն ավելի ու ավելի շատ վնաս է հասցնում քաղաքացիական ենթակառուցվածքների և կրոնական ու մշակութային ժառանգության օբյեկտներին», - հայտարարել է Ռուսաստանի դիվանագիտական ներկայացուցչությունը։
Տաճարի շենքը ներառված է Իրանի մշակութային ժառանգության համազգային ցուցակում։