Մերձավոր Արևելքում նոր հարվածներ են հասցվել տարբեր քաղաքների և ռազմական օբյեկտների

2 րոպեի ընթերցում

Իսրայելի պաշտպանության բանակը (ԻՊԲ) հաղորդել է, որ մի շարք հարվածներ է հասցրել Թեհրանի կենտրոնին: «Արմենպրես»-ի փոխանցմամբ՝ այս մասին ԻՊԲ-ն գրել է Telegram-ում:

Նշվում է, որ ԻՊԲ-ն արդեն ավարտել է Թեհրանի կենտրոնում երկրի կառավարական ենթակառուցվածքի օբյեկտներին մի շարք լայնածավալ հարվածները։

Միևնույն ժամանակ Al Jazeera հեռուստաալիքը հաղորդում է, որ հրթիռային հարված է հասցվել իրանական Ուրմիայի բնակելի շրջանին։

ԶԼՄ-ների տվյալներով՝ «չորս բնակելի շենք ամբողջությամբ ավերվել է», կան զոհեր և վիրավորներ։

Իր հերթին Իսլամական հեղափոխության պահապանների կորպուսը (ԻՀՊԿ) մարտի 27-ի վաղ առավոտյան հայտարարել է «Ճշմարիտ խոստում 4» գործողության 83-րդ ալիքի մեկնարկի մասին։

Հաղորդվում է, որ հրթիռներն ու անօդաչուներն ուղղվել են ողջ տարածաշրջանում գտնվող ամերիկյան և իսրայելական հանգուցային ռազմական օբյեկտների վրա։

«Թիրախների թվում եղել են նավթի պահեստարանները և Աշդոդում գտնվող նավթաբազան, Մոդիին բնակավայրում զինվորական անձնակազմի տեղաբաշխման վայրը և տարածաշրջանում ԱՄՆ ռազմական տեղեկատվության փոխանակման կենտրոնը», -ասվում է Press TV-ի հրապարակած հոդվածում։

 ԻՀՊԿ-ն նաև հարվածներ է հասցրել ԱՄՆ ռազմաբազաներին Ալ Դաֆրայում (ԱՄԷ) և Ալ Ուդեյդում (Կատար), ինչպես նաև Ալի ալ Սալեմ ավիաբազայում (Քուվեյթ) տրանսպորտային ինքնաթիռների և անօդաչուների տեխնիկական սպասարկման ու պահման հանգարներին։

Իրանի զինված ուժերի պաշտոնական ներկայացուցիչ Աբոլֆազլ Շեքարչին հայտարարել է, որ ԱՄՆ-ի անձնակազմը ներկայում ստիպված է լքել ռազմաբազաները և պատսպարվել քաղաքացիական հյուրանոցներում։

Նրա խոսքով՝ ամերիկյան ռազմական կառուցվածքն Արևմտյան Ասիայում «ամենակարճ ժամանակում փլուզվել է»։

«Մենք կանգ չենք առնի, մինչև ամերիկյան և իսրայելական զորքերը դուրս չբերվեն տարածաշրջանից, և մեր պայմանները չկատարվեն», - հայտարարել է Շեքարչին։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն