Իսրայելը կօկուպացնի Լիբանանի հարավի մի հատված. պաշտպանության նախարար

2 րոպեի ընթերցում

Իսրայելի պաշտպանության նախարար Իսրայել Կացը հայտարարել է, որ բանակը կգրավի Լիբանանի հարավային շրջանները՝ մինչև Լիտանի գետն ընկած հատվածը։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։

Իսրայելն առաջին անգամ է հստակ հայտարարում, որ մտադիր է գրավել այդ տարածքները, որոնք կազմում են Լիբանանի գրեթե մեկ տասներորդ մասը։

Կացը նախկինում զգուշացրել էր Լիբանանի կառավարությանը, որ երկիրը տարածքներ կկորցնի, եթե չզինաթափի Թեհրանի կողմից աջակցվող «Հեզբոլլահ» խմբավորմանը։

«Հեզբոլլահ»-ը Լիբանանին ներքաշեց Իրանի դեմ ամերիկա-իսրայելական պատերազմի մեջ, երբ մարտի 2-ին կրակ բացեց Իսրայելի վրա՝ ի աջակցություն Թեհրանի։

Մարտի 24-ին զինված ուժերի շտաբի պետի հետ հանդիպման ժամանակ Կացը նաև հայտնել է, որ զինվորականները «կվերահսկեն մնացած կամուրջները և անվտանգության գոտին մինչև Լիտանի գետ» և կստեղծեն պաշտպանական բուֆերային գոտի։

Իսրայելն ավելի վաղ պայթեցրել էր Լիտանի գետի վրայով անցնող մի քանի կամուրջ՝ «Հեզբոլլահ»-ի տեղաշարժին խոչընդոտելու համար։

Կացի հայտարարությանն արձագանքել է «Հեզբոլլահ» շարժման օրենսդիրներից մեկը՝ Հասան Ֆադլալլահը։ Նա Reuters գործակալությանը հայտնել է, որ խմբավորումը կկռվի, որպեսզի իսրայելական զորքերին թույլ չտա գրավել Լիբանանի հարավը։ Նրա խոսքով՝ օկուպացիան «գոյութենաբանական սպառնալիք» կստեղծի Լիբանանի համար՝ որպես պետություն։

Ավելի վաղ Լիբանանի նախագահ ժոզեֆ Աունն Իսրայելի հետ ուղիղ բանակցությունների կոչ էր արել՝ խոստանալով զինաթափել «Հեզբոլլահ» շարժմանը։

Իրան

Լիբանանը երկրից վտարել է Իրանի դեսպանին

Հայերեն English Français Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն