Մերձավոր Արևելքում էներգետիկ օբյեկտներին հարվածները կարող են համարվել պատերազմական հանցագործություններ. Գուտերեշ
1 րոպեի ընթերցում
Մերձավոր Արևելքում հակամարտության բոլոր կողմերի հարձակումներն էներգետիկ ենթակառուցվածքների վրա կարող են գնահատվել որպես պատերազմական հանցագործություններ: «Արմենպրես»-ի փոխանցմամբ՝ այս մասին POLITICO-ի հետ զրույցում հայտնել է ՄԱԿ-ի գլխավոր քարտուղար Անտոնիու Գուտերեշը։
«Եթե տեղի են ունենում հարձակումներ Իրանի վրա կամ Իրանի կողմից էներգետիկ ենթակառուցվածքների վրա, կարծում եմ, որ կան բանական հիմքեր կարծելու, որ դրանք կարող են համարվել պատերազմական հանցագործություններ», - ասել է նա։
Բացի այդ, Գուտերեշը հայտարարել է, որ քաղաքացիական բնակչության շրջանում զոհերի աճող թվի պատճառով երկու կողմն էլ կարող են հետագայում մեղադրվել հնարավոր պատերազմական հանցագործությունների համար։
«Ես որևէ տարբերություն չեմ տեսնում։ Կարևոր չէ, թե ով է հարձակվում խաղաղ բնակչության վրա։ Դա միանգամայն անընդունելի է», - ասել է նա։
Մարտի 18-ին Իսրայելը հարվածել է Իրանի «Հարավային Պարս» գազի խոշոր հանքավայրին, որից հետո Իրանը պատասխան հարվածներ է հասցրել Կատարում էներգետիկ խոշոր համալիրի։ Հարվածները շարունակվում են նաև Պարսից ծոցի այլ երկրների էներգետիկ օբյեկտներին։