1 րոպեի ընթերցում
Կատարի ներքին գործերի նախարարությունը հայտարարել է, որ քաղաքացիական պաշտպանության անձնակազմն աշխատանքներ է իրականացնում ոչնչացված հրթիռի բեկորներից արդյունաբերական գոտում բռնկված հրդեհը մարելու ուղղությամբ։ «Արմենպրես»-ի փոխանցմամբ՝ այս մասին հայտնում է Al Jazeera-ն։
«Տուժածներ չեն գրանցվել», - հայտնել է նախարարությունը։
Ավելի վաղ Կատարի իշխանությունները տագնապ էին հայտարարել՝ զգուշացնելով մարդկանց մնալ իրենց տներում և այլ անվտանգ վայրերում՝ մայրաքաղաք Դոհայում լսվող բարձր պայթյունների պատճառով։
Կատարի պաշտպանության նախարարությունն ավելի ուշ հաստատել էր, որ երկրի հակաօդային պաշտպանության ուժերը հրթիռ են որսացել։
ԱՄՆ-ն և Իսրայելն Իրանի դեմ համատեղ ռազմական գործողություն են սկսել փետրվարի 28-ից՝ մեղադրելով Թեհրանին հրթիռային և միջուկային ծրագիրը զարգացնելու համար։ Իրանը հերքել է մեղադրանքները և սկսել է պատասխան հարվածներ հասցնել Իսրայելին, ինչպես նաև տարածաշրջանի երկրներում ամերիկյան ռազմաբազաներին։ Հարվածներից տուժել են Կատարը, Քուվեյթը, Արաբական Միացյալ Էմիրությունները, Բահրեյնը, Սաուդյան Արաբիան, Օմանը, Իրաքը։