1 րոպեի ընթերցում
Հարավային Կորեայի նախագահի վարչակազմը հայտարարել է, որ Հորմուզի նեղուց հարավկորեական նավեր ուղարկելու մասին ԱՄՆ նախագահ Դոնալդ Թրամփի ուղերձը պետք է մանրամասն քննարկվի երկու երկրների ներկայացուցիչների կողմից ։ Ինչպես հաղորդում է «Արմենպրես»-ը, այս մասին հայտնում է Yonhap գործակալությունը։
«Այս հարցն անհրաժեշտ է լուծել Հարավային Կորեայի և ԱՄՆ-ի միջև խորը քննարկումների շրջանակներում, և դա բավական ժամանակ կպահանջի», - ասել է նախագահի աշխատակազմի հասարակայնության հետ կապերի քարտուղար Լի Գյու Յոնը։
«Մենք սերտ կապ ենք պահպանում ԱՄՆ-ի հետ և մտադիր ենք մանրակրկիտ ուսումնասիրել այս հարցը», - «Արմենպրես»-ի փոխանցմամբ, հավելել է նա։
Լի Գյու Յոնի հայտարարությունները հնչել են այն բանից հետո, ինչ Թրամփը Հարավային Կորեային և ևս չորս երկրի կոչ արեց նավեր ուղարկել Հորմուզի նեղուց՝ ի պատասխան այս ջրային ճանապարհը փակելու Իրանի գործողությունների։
Իրանն իր հերթին հայտարարել է, որ նեղուցը փակ է լինելու բոլոր այն երկրների համար, որոնք ցանկանում են այն օգտագործել իրանական կողմի դեմ հարձակվելու նպատակով։