Քրդերը դրական են արձագանքել ԻՀՊԿ դեմ կռվելու ամերիկյան առաջարկին

Քրդերը պատրաստ են ԱՄՆ աջակցությամբ ցամաքային գործողություններ իրականացնել Իրանի Իսլամական հեղափոխության պահապանների կորպուսի դեմ։ «Արմենպրես»-ի հաղորդմամբ՝ այս մասին Newsweek-ին տված հարցազրույցում հայտարարել է ընդդիմադիր «Կոմալա» կուսակցության գլխավոր քարտուղար Աբդուլլահ Մոհթադին։

«Կարծում եմ, եթե Միացյալ Նահանգները որոշի պաշտպանել և աջակցել քրդական կուսակցություններին՝ մենք կարող ենք շատ կարևոր դեր խաղալ։ Կարող ենք դուրս մղել իրանական զորքերին և վերահսկողություն հաստատել քրդական շրջանների քաղաքների նկատմամբ»,- նշել է Մոհթադին։

Washington Post թերթն ավելի վաղ վկայակոչելով տարբեր աղբյուրների՝ հայտնել էր, որ ԱՄՆ նախագահ Դոնալդ Թրամփը օդային պաշտպանություն և այլ աջակցություն է առաջարկել է Իրանի քրդերին, եթե նրանք փորձեն վերահսկողություն հաստատել արևմտյան Իրանի մի մասի նկատմամբ։