Դատախազության աշխատանքից «լիովին գոհ» և «ավելի շուտ գոհ» է ՀՀ քաղաքացիների 43%-ը. նախորդ հարցման համեմատ գոհունակության ցուցանիշն աճել է 6%-ով
1 րոպեի ընթերցում
Միջազգային հանրապետական ինստիտուտի հարցումների հետազոտության կենտրոնի նախաձեռնությամբ Հայաստանում իրականացվել է հանրային կարծիքի ուսումնասիրություն:
Տվյալները հավաքվել են 2026 թվականի փետրվարի 3-13-ն ընկած ժամանակահատվածում:
«Արմենպրես»-ի փոխանցմամբ՝ ՀՀ գլխավոր դատախազության տարածած հաղորդագրության մեջ ընդգծվում է, որ հարցման մասնակիցների 13%-ը նշել է, որ լիովին գոհ է Դատախազության աշխատանքից (2024 թվականի սեպտեմբերին անցկացված հարցման ժամանակ՝ 12%, 2023 թվականի դեկտեմբերին՝ 11%, 2023 թվականի մարտին՝ 7%):
Հարցման մասնակիցների 30 տոկոսը ավելի շուտ գոհ է Դատախազության աշխատանքից (2024 թվականի սեպտեմբերին անցկացված հարցման ժամանակ՝ 25%, 2023 թվականի դեկտեմբերին անցկացված հարցման ժամանակ՝ 28%, 2023 թվականի մարտին՝ 24 %):
Ավելի շուտ դժգոհ է եղել հարցվածների 18%-ը (2024 թվականին՝ 17%-ը, 2023 թվականի դեկտեմբերին՝ 17%-ը, 2023 թվականի մարտին՝ 24%-ը), ընդհանրապես գոհ չի եղել 24%-ը ( 2024 թվականին՝ 28%-ը, 2023 թվականի դեկտեմբերին՝ 26%-ը, 2023 թվականի մարտին՝ 26%-ը)։
Հարցման մյուս մասնակիցները` 14%-ը, դժվարացել կամ հրաժարվել են պատասխանել: