ԱՄՆ-ն դառնորեն կզղջա իր ստեղծած նախադեպի համար․ Արաղչին միջազգային ջրերում իրանական նավի խորտակման մասին

Իրանի արտաքին գործերի նախարարը Աբբաս Արաղչին հայտարարել է, որ Միացյալ Նահանգները «դառնորեն կզղջա իր ստեղծած նախադեպի համար»՝ անդրադառնալով ԱՄՆ սուզանավի կողմից Շրի Լանկայի ափերի մոտ իրանական ռազմանավը՝ ֆրեգատը խորտակելու գործողությանը։

«ԱՄՆ-ն կոտորած է իրականացրել ծովում՝ Իրանի ափերից 2000 մղոն հեռավորության վրա։ Հնդկաստանի նավատորմի հյուր Դենա ֆրեգատը, որը տեղափոխում էր մոտ 130 նավաստի, առանց նախազգուշացման խոցվել է միջազգային ջրերում։

Հիշեք իմ խոսքերը. ԱՄՆ-ն դառնորեն կզղջա իր ստեղծած նախադեպի համար»,- «Արմենպրես»-ի փոխանցմամբ, X-ի իր էջում գրել է Արաղչին։

The U.S. has perpetrated an atrocity at sea, 2,000 miles away from Iran's shores.

Frigate Dena, a guest of India's Navy carrying almost 130 sailors, was struck in international waters without warning.

Mark my words: The U.S. will come to bitterly regret precedent it has set. pic.twitter.com/cxYiI9BLUk

— Seyed Abbas Araghchi (@araghchi) March 5, 2026

Շրի Լանկայի իշխանությունները հայտնել են, որ ամերիկյան սուզանավի կողմից խոցված իրանական նավի նավաստիներից առնվազն 87-ը մահացել են։ 37 նավաստի, ովքեր փոքր վնասվածքներ են ստացել, բուժում են ստանում հիվանդանոցում։

Մարտի 5-ին շարունակվելու են որոնողափրկարարական աշխատանքները՝ մի քանի տասնյակ իրանցի նավաստիների հայտնաբերելու նպատակով։