1 րոպեի ընթերցում
ԱՄՆ-ի և Իսրայելի ռազմական գործողության ընթացքում Իրանի պատասխան հարվածներից ամերիկացի զինծառայողների շրջանում զոհերի թիվը հասել է 4-ի։ «Արմենպրես»-ի փոխանցմամբ՝ այս մասին հաղորդում է ԱՄՆ զինված ուժերի կենտրոնական հրամանատարությունը (CENTCOM):
X հարթակում գրառման մեջ հրամանատարությունը նշում է, որ զոհվել է Իրանի առաջին հարվածների հետևանքով վիրավորում ստացած զինծառայողներից մեկը։
CENTCOM-ը հավելել է, որ խոշոր մարտական գործողությունները շարունակվում են։
Ավելի վաղ հաղորդվել էր ամերիկացի զինծառայողների շրջանում 3 զոհի, 5 ծանր վիրավորի մասին։
ԱՄՆ նախագահ Դոնալդ Թրամփը հայտարարել է, որ ամերիկացի զինծառայողների շրջանում կարող են ավելի շատ զոհեր լինել։ Նա նաև խոստացել է, որ վրեժ կլուծի նրանց մահվան համար։