1 րոպեի ընթերցում
Իրանում ամերիկյան և իսրայելյան ուժերի կողմից իրականացվող գործողությունների հետևանքով մայրաքաղաք Թեհրանում Չինաստանի քաղաքացի է զոհվել։ Ինչպես հաղորդում է «Արմենպրես»-ը, այս մասին հայտարարել է Չինաստանի ԱԳՆ խոսնակ Մաո Նինը։
Նա հայտնել է, որ մարտի 2-ի դրությամբ Չինաստանը Իրանից տարհանել է իր շուրջ 3000 քաղաքացու։
«Ամենահրատապ խնդիրը ռազմական գործողությունների դադարեցումն է և հակամարտության տարածման կանխումը», - ասել է Մաո Նինը՝ ընդգծելով, որ կարգավորման անհրաժեշտ է հասնել երկխոսության և բանակցությունների միջոցով։