1 րոպեի ընթերցում
Իրանի նախագահ Մասուդ Փեզեշքիանը հայտարարել է, որ երկրի նոր ղեկավար խորհուրդը սկսել է աշխատանքը գերագույն առաջնորդ Ալի Խամենեիի մահվանից հետո։ Ինչպես «Արմենպրես»-ը տեղեկանում է The Associated Press գործակալությունից, այս մասին Փեզեշքիանն ասել է նախապես ձայնագրված ուղերձում, որը հեռարձակվել է Իրանի պետական հեռուստատեսությամբ։
Իր հերթին, Իրանի արտգործնախարար Աբբաս Արաղչին Al Jazeera-ին հայտնել է, որ «մեկ կամ երկու» օրից կընտրվի նոր գերագույն առաջնորդ։
Ավելի վաղ հաղորդվել էր, որ Իսրայելի և ԱՄՆ-ի հարվածների հետևանքով Ալի Խամենեիի սպանությունից հետո Իրանի ժամանակավոր գերագույն առաջնորդը կլինի բարձրաստիճան հոգևորականներից այաթոլլա Ալիռեզա Արաֆին։