1 րոպեի ընթերցում
Իրանը Ժնևի միջուկային բանակցությունների ժամանակ Միացյալ Նահանգներին առաջարկել է ժամանակավորապես սառեցնել ուրանի հարստացումը:
«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին «Ալ Ջազիրա»-ին ասել է իրանցի բարձրաստիճան պաշտոնյան։
«Մեր առաջարկը հաստատում է, որ ուրանի հարստացումը ինքնիշխան իրավունք է և ենթադրում է հարստացման սառեցում սահմանափակ ժամանակահատվածով», - ասել է հեռուստաալիքի աղբյուրը։
Իրանի առաջարկը ներառում է նաև ուրանի մակարդակը Ատոմային էներգիայի միջազգային գործակալության հսկողության ներքո ցածր մակարդակի իջեցնելը։
Աղբյուրը հավելել է, որ Թեհրանի նախաձեռնությունը կենտրոնանում է ԱԷՄԳ-ի հսկողության ներքո երկրի միջուկային ծրագրի թափանցիկության, ինչպես նաև Վաշինգտոնի հետ ընդհանուր շահերի հետապնդման վրա, մասնավորապես՝ տնտեսական ոլորտում։
Նա նշել է, որ առաջարկը ներառում է տեխնիկական և գործնական ուղղություններ, ինչպես նաև տվյալներ, որոնք ցույց են տալիս միջուկային զենք ձեռք բերելու ցանկության բացակայությունը։