1 րոպեի ընթերցում
Սևանա լճի մակարդակը 2025 թվականի փետրվարի 11-ի համեմատ այս տարվա նույն օրվա դրությամբ ցածր է մնում 12 սանտիմետրով։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի գյուղատնտեսության և բնապահպանության վարչությունից, 2026 թվականի փետրվարի 11-ի դրությամբ Սևանա լիճը ծովի մակերևույթից գտնվել է 1900 մետր 23 սանտիմետր բարձրության վրա՝ նախորդ տարվա նույն օրը գրանցված 1900 մետր 35 սանտիմետր նիշի դիմաց։ Իսկ այս տարվա հունվարի 11-ից մինչ փետրվարի 11-ը Սևանա լճի մակարդակը բարձրացել է 1 սանտիմետրով։
2026 թվականի հունվարի 1-ից մինչ փետրվարի 11-ն ընկած ժամանակահատվածում Արփա-Սևան թունելային ջրատարով Սևանա լիճ է տեղափոխվել 6 միլիոն 88 հազար խմ ջուր։ Սևանա լիճ թափվող գետերը գտնվում են ձմեռային սակավաջուր փուլում։