Ռուբիոն նախատեսում է հանդիպել Զելենսկուն Մյունխենի անվտանգության համաժողովի շրջանակում
1 րոպեի ընթերցում
ԱՄՆ պետքարտուղար Մարկո Ռուբիոն հայտարարել է, որ Մյունխենի անվտանգության համաժողովի շրջանակում հնարավորություն կունենա հանդիպելու Ուկրաինայի նախագահ Վոլոդիմիր Զելենսկու հետ։ «Արմենպրես»-ի փոխանցմամբ՝ այս մասին նա ասել է Գերմանիա մեկնելուց առաջ լրագրողների հետ զրույցում։
«Կարծում եմ՝ նա այնտեղ կլինի, և հնարավորություն կա նրան տեսնելու։ Կարծում եմ՝ դա իմ գրաֆիկում կա», - ասել է նա։
Անդրադառնալով ձմեռային ցուրտ եղանակի պայմաններում Ուկրաինային հասցվող ռուսական հարվածներին՝ Ռուբիոն նշել է, որ ԱՄՆ-ն ցանկանում է, որ ռուս-ուկրաինական պատերազմն ավարտվի, և արդեն մեկ տարի շատ տքնաջան աշխատել է այդ պատերազմը դադարեցնելու ուղղությամբ։
Մյունխենի անվտանգության համաժողովն անցկացվում է փետրվարի 13-15-ը։ Քննարկման օրակարգում է նաև ռուս-ուկրաինական պատերազմը։ Համաժողովին ներկա կգտնվեն գրեթե 50 երկրի ղեկավարներ։