Իսրայելը միացել է Թրամփի «Խաղաղության խորհրդին»

Իսրայելը միացել է ԱՄՆ նախագահ Դոնալդ Թրամփի նախաձեռնած «Խաղաղության խորհրդին»։ «Արմենպրես»-ի փոխանցմամբ՝ այս մասին հայտարարել է Իսրայելի վարչապետ Բենիամին Նեթանյահուն Վաշինգտոն կատարած այցի ժամանակ, որտեղ հանդիպել է ԱՄՆ ղեկավարի, ինչպես նաև պետքարտուղար Մարկո Ռուբիոյի հետ։

«Հանդիպեցի ԱՄՆ պետքարտուղար Մարկո Ռուբիոյի հետ Վաշինգտոնի Բլեյր Հաուսում։ Սպիտակ տանը նախագահ Թրամփի հետ իմ հանդիպումից առաջ ես համաձայնագիր ստորագրեցի Իսրայելի՝ Խաղաղության խորհրդին միանալու վերաբերյալ։ Մենք կշարունակենք ամրապնդել Իսրայելի և Միացյալ Նահանգների միջև անխզելի դաշինքը»,- նշել է Նեթանյահուն X-ում կատարած գրառման մեջ։

Met with U.S. Secretary of State @marcorubio at Blair House in Washington.

Ahead of my meeting at the White House with President Trump, I signed Israel’s accession as a member of the “Board of Peace.”

We will continue strengthening the unbreakable alliance between Israel and… pic.twitter.com/CJ4Lw92WdX

— Benjamin Netanyahu - בנימין נתניהו (@netanyahu) February 11, 2026

Reuters-ը հայտնում է, որ արդեն Սպիտակ տանը կայացած հանդիպմանը Նեթանյահուն և Թրամփը քննարկել են Իրանի հարցը։

Խաղաղության խորհուրդն իր առաջին նիստը կանցկացնի փետրվարի 19-ին Վաշինգտոնում՝ քննարկելու Գազայի վերակառուցման հարցը։

Հայաստանը նույնպես Խաղաղության խորհրդի անդամ է։ ՀՀ վարչապետ Նիկոլ Փաշինյանը հայտնել է, որ ինքը ևս մասնակցելու է Վաշինգտոնում կայանալիք նիստին։