1 րոպեի ընթերցում
Լիբանանի Տրիպոլի քաղաքում բնակելի շենքերի փլուզման հետևանքով զոհերի թիվը հասել է 14-ի։ «Արմենպրես»-ի փոխանցմամբ՝ այս մասին հայտնում է Լիբանանի Ազգային լրատվական գործակալությունը (NNA)։
Քաղաքացիական պաշտպանության գլխավոր տնօրեն Իմադ Խրեյշը հայտնել է, որ փրկարարական խմբերը քաղաքի հյուսիսային Բաբ ալ-Թաբանե թաղամասում փլուզված շենքերի փլատակներից դուրս են բերել և օգնություն ցուցաբերել 8 մարդու։
Նրա խոսքով՝ որոնողափրկարարական աշխատանքներն ավարտվել են։
Վերջին շաբաթների ընթացքում սա երկրորդ նմանատիպ միջադեպն է Տրիպոլիում։