1 րոպեի ընթերցում
Մոսկվան պատրաստ է շարունակել Նյու Դելիի հետ սերտ համագործակցությունն ածխաջրածնային մատակարարումների բնագավառում և համոզված է, որ դա նպաստում է միջազգային էներգետիկ շուկայի կայունությանը: Ինչպես «Արմենպրես»-ը տեղեկանում է «Ինտերֆաքս» գործակալությունից, այս մասին հայտարարել է ՌԴ արտաքին գործերի նախարարության ներկայացուցիչ Մարիա Զախարովան։
«Առաջվա պես համոզված ենք, որ Հնդկաստանի կողմից ռուսական ածխաջրածինների գնումը շահավետ է երկու երկրների համար և նպաստում է միջազգային էներգետիկ շուկայում կայունության պահպանմանը։ Պատրաստ ենք շարունակել սերտ համագործակցությունն այս բնագավառում Հնդկաստանի մեր գործընկերների հետ», - ասել է նա ճեպազրույցի ժամանակ։
Ավելի վաղ ԱՄՆ նախագահ Դոնալդ Թրամփը հայտարարել էր, որ Հնդկաստանի վարչապետ Նարենդրա Մոդիի հետ առևտրային գործարքի շուրջ եկել է համաձայնության, ըստ որի ԱՄՆ-ն Հնդկաստանից ներմուծվող ապրանքների նկատմամբ մաքսատուրքերը 25%-ից կնվազեցնի մինչև 18%։ Թրամփը հայտնել է, որ Մոդին համաձայնել է դադարեցնել ռուսական նավթի գնումները։